من أهم الأشياء وأفضلها وأمتعها ، خصوصاً أنك ممكن تنتبه لأشياء ماانتبهت لها من قبل!.

باخر شيء من التدوينة راح اكتب بعض الطرق الخاصة التي استخدمتها :

اول شي الله يوفقكم  أجمعين يا رب  ويسهل عليكم طريق  العلم  ويجعله لكم طريقا  للجنه  يا  رب 💖
هنا حاقول لكم عن بعض النصائح و التجارب اللي مرت علي الى الان، وان شاء الله  تفيدكم - وبأذن الله لحد ما اكتسب التجربة كاملة وتكون عندي الخبرة كلها حاضيف كل شي جديد عرفته -.

للمقبلين علي تخصص تقنية المعلومات  وكلية الحاسب عموما واللي ما بيعرفوها بقولكم شي مهم جدا
الحاسب  تخصص جدا واسع و ممتع وما هو صعب للي حاطين في بالهم انه معقد وكلام مو مفهوم، ولا هو سهل للناس يلي مستهينه فيه وتشوفه تخصص مهو كشخه ولا منه فايدة.
الموضوع كله نسبي لدرجة بعيدة ولان التخصص واسع لأبعد وصف ممكن تتخيلوه فكل شخص ممكن يلقى فيه المكان يلي يكفي طموحه ولانه زي ما بقولوا عليه تخصص المستقبل  فالكلام عنه لسه ما انتهى وتوقعوا ان مجالاته بعد تزيد والوظائف فيه مره كثيرة.

في جامعة القصيم  عندنا للبنات تخصصين علوم حاسب وتقنية معلومات للاولاد في تخصص زائد وهو هندسة حاسب
الفرق بين علوم  الحاسب وتقنية المعلومات - لحد الان المعلومات  يلي اعرفها قليلة - علوم  الحاسب تهتم بنظام  التشغيل  الحاسب  و برمجة الحاسب نفسه  وبرمجة الروبتوتات. اما تقنية المعلومات أسهل  واوسع مجالا فهي تهتم بالتطبيقات على الحاسب  و الجوالات  كمان  وانشاء قواعد البيانات الكبيرة  والالعاب وكل البرامج  يلي تشوفها  والانترنت والصفحات الاشياء يلي فيه  اليوم.  اما الهندسة فهي تهتم بالحاسب كجهاز من اجزائه توصيلاته تركيبه وكل شي.

 في النهاية كل التخصصات  تكمل بعضها  ولمن اقول تخصص تقنية  معلومات مو ضروري انه تسوي كل شي، لا في تخصصات اعمق واعمق فمثلا نقول انت تخصصت تقنية معلومات وتخصصك كان ويب بمعناه انك تخصصت  في صفحات الإنترنت، وممكن تتعمق في تخصصك اكثر وكمان  تجيد اكتر من واحد فانت تشوف المجال يلي تميل له اكثر وتتقنه. في كمان ناس بيتخصصوا سكيورتي بهتموا بالأشياء  الامنية والحماية ، وفي تخصص قواعد بيانات تسوي قواعد بيانات لشركات كبيرة فالموضوع  مره واسع.

بالنسبة  للوظائف فده موضوع كمان  واسع😂، اول شي انت لازم تختار تشتغل  في شركات - طبعا لو كنت محترف ممكن شركة خاصة🙄- او شغل خاص. ممكن تختار تشتغل خاص من البيت ومن سريرك او تفتح محل🙄.
الشي يلي يريحك وعلي حسب خبرتك فالوظائف مره كثيرة ولا يكفي الحصر لو كنت بحصرها تشتغل في جامعة في مستشفى في منظمة حكومية  في اي مكان على حسب تخصصك وخبرتك.

طيب الخبرة طبعا لو انتظرت انه تتخرج وتشتغل علي طول  فده شي مره غلط لانه الدراسة الجامعية  استحاله تغطي لك كل شي ويمكن ما تفيدك بأشياء كثيرة عن التخصص يلي مهتم فيه، والشي المختلف بدراسة الحاسب انها مو شي تدرسه وخلاص ما يتغير لا انت لازم  تكون مواكب  وتعرف كل شي جديد في تخصصك لانه كل يوم التقنية بتتغير وتدخل حاجات جديدة.
يمكن انت درست حاجة معينه وكانت مره مهمة، بكره علي طول تظهر حاجة جديدة تحل مكانها ويصير مالها داعي! 
فالتوظيف المريح والشغل السريع يعتمد علي خبرتك انت وكل الشركات والناس بيطلبوا التقنيات الجديدة  فانت لازم تكون  حريص انك تبحث  وتتعمق في تخصصك وتجيده وهنا بتكون نقطة تميزك في المجال

وللناس يلي بهمهم العائد المالي فهو شي ماهو محدد، شي يحدده شغلك و احترافيتك في المجال وكل ما كنت محترف فاضمن لك راتب رهييب  بأذن الله.

في النهاية الحاسب  مجال جدا واسع ومره حلو لو حبيته انت بس شوف وين المقعد يلي يريحك فيه وانطلق ونماذج النجاح فيه كثثيرة وشوف التطبيقات يلي  الناس كل يوم تنوم وتصحا عليها اصحابها كلهم كانوا طلاب  ولليوم نتائج جهدهم  واضحه بالدقيقة  والثانية وفي مجال الدوائر الحكومية، المطارات، التسجيلات، الآمن، في كل العالم وباختصار مجال موجود في كل شي اليوم.

وهنا خطة الطالب الاسترشادية:


ان شاء الله  يكون كلامي افادكم علي أمل  اعرف زيادة واقدم لكم ان شاء الله  وبالتوفيق💖
إن أصبت فمن الله وإن أخطأت فمن نفسي والشيطان، اختكم: دعاء.